मराठा विद्या प्रसारक समाज संचलित कर्मयोगी दुलाजी सिताराम पाटील कृषी महाविद्यालय, चाचडगाव ता.दिंडोरी येथे दि. 19 सप्टेंबर 2025 रोजी प्रथम वर्षातील विद्यार्थ्यांसाठी दीक्षारंभ या कार्यक्रमाची सुरुवात करण्यात आली. प्रथम वर्षातील विद्यार्थ्यांना प्रोत्साहन देण्यासाठी दीक्षारंभ कार्यक्रम दोन आठवड्यासाठी आयोजित करण्यात आलेला आहे.

सदर कार्यक्रमाप्रसंगी कार्यक्रमाचे अध्यक्ष म्हणून मा.श्री. बाळासाहेब क्षीरसागर सभापती, मविप्र समाज, नाशिक उपस्थित होते. मा.श्री.आप्पासाहेब शिंदे, प्रांताधिकारी, दिंडोरी व मा.श्री. सुमित निर्मळ, आर.एफ.ओ ,नाशिक, श्री.प्रवीण नाना जाधव, संचालक, दिंडोरी व माजी प्राचार्य श्री.संपतराव काळे,  के.टी.एच.एम. महाविद्यालय हे प्रमुख पाहुणे म्हणून उपस्थित होते  सदर कार्यक्रमास शिक्षणाधिकारी डॉ.अजित मोरे व डॉ.डी.डी.जाधव, डॉ.बापूसाहेब भाकरे, प्राचार्य, कृषी महाविद्यालय उपस्थिती होते.

दिक्षारंभ कार्यक्रमांतर्गत विद्यार्थ्यांसाठी विविध व्याख्यान, प्रक्षेत्र भेटी, शैक्षणिक भेटी, माजी विद्यार्थ्यांचे व्याख्यान तसेच प्रगतीशील शेतकऱ्यांच्या प्रक्षेत्रावर जाऊन प्रत्यक्ष शेतीशी निगडित असलेले अनुभव देण्यात येणार आहे. सदर कार्यक्रमादरम्यान विद्यार्थ्यांना शेतीशी निगडित नाविन्यपूर्ण अनुभव मिळतील.

कार्यक्रमाचे प्रास्ताविक व स्वागत कृषी महाविद्यालयाचे प्राचार्य डॉ. बापूसाहेब भाकरे यांनी केले. दीक्षारंभ कार्यक्रमाअंतर्गत पुढील  दोन आठवड्याचा कार्यक्रम त्यांनी विद्यार्थ्यांना समजावून सांगितला. मा.श्री. बाळासाहेब क्षीरसागर यांनी आपल्या अध्यक्षीय भाषणात विदयार्थ्यांना कृषी शिक्षणाचे महत्व सांगून पुढील वाटचालीबद्दल शुभेछया दिल्या. मा.श्री.आप्पासाहेब शिंदे प्रांताधिकारी, दिंडोरी यांनी कृषी शिक्षण घेत असताना विद्यार्थ्यांनी विविध  स्पर्धात्मक परीक्षा तसेच त्यासाठी करावयाची तयारी याबद्दल मार्गदर्शन केले. मा.श्री. सुमित निर्मळ, वनक्षेत्र अधिकारी, नाशिक यांनी विद्यार्थ्यांना सांगितले  कि आतापासूनच  आपले ध्येय निच्चीत करून प्रयत्न केले तर यश मिळणे अतिशय सोपे असते. तसेच विद्यार्थ्यांना स्पर्धात्मक परीक्षेबद्दल मार्गदर्शन केले. डॉ. अजित मोरे यांनी कृषी महाविद्यालयातर्फे विद्यार्थ्यांना देण्यात येणाऱ्या सर्व सुविधेबद्दल माहिती देत याचा वापर करून प्रत्येक विद्यार्थ्याने पुढील आयुष्यात यशस्वी होण्याबद्दल शुभेछया दिल्या. श्री.प्रवीण नाना जाधव, संचालक, दिंडोरी यांनी विद्यार्थ्यांना जिद्द आणि चिकाटीने अभ्यास करून पुढील आयुष्यात यशस्वी होण्यासाठी शुभेछया दिल्या.

कृषी महाविद्यालय चाचडगाव येथे स्थलांतरित झाल्यानंतर हि पहिलीच तुकडी येथे हजार झालेली आहे. पहिलेच वर्ष असून सुद्धा या ठिकाणी सर्व १२० जागांसाठी विद्यार्थ्यांनी प्रवेश घेतला आहे, हे मराठा विद्या प्रसारक समाजाच्या चांगल्या शिक्षण पद्धतीचे प्रशस्ती पत्र आहे असे म्हटले तरी वावगे ठरणार नाही. प्रथम वर्षातील प्रतीक सावंत,सिद्धी गांगुर्डे आणि अदित्य गंडे तसेच द्वितीय वर्षातील आरुषी सिंग यांनी महाविद्यालयबद्दल आपले मनोगत व्यक्त केले. कार्यक्रमाचे सूत्रसंचालन प्राध्यापिका नयन गोसावी तसेच आभार प्रदर्शन प्राध्यापक विशाल गमे यांनी केले.

वरिष्ठ कृषी शास्त्रज्ञ मा. डॉ. एन. जी. पाटील  यांचे म. वि. प्र . कृषी महाविद्यालयांत विद्यार्थ्यांना मार्गदर्शन

महात्मा फुले कृषी विद्यापीठ संचालित मराठा विद्या प्रसारक समाजाचे कर्मयोगी दुलाजी सिताराम पाटील कृषि महाविद्यालयात दिनांक १८ जुले रोजी  मा. डॉ. एन. जी. पाटील  संचालक, एन. बी. एस. एस. नागपूर (भारतीय कृषी अनुसंधान परिषद, संचालित) याच्या “Artificial Intelligence in Natural Resource Mapping”  या  महत्वाच्या  विषयावर मार्गदर्शनपर परिसंवादाचे आयोजन करण्यात आले होते.

सदर कार्यक्रमच्या प्रास्तविका दरम्यान बोलतना महाविद्यालायचे प्राचार्य डॉ. बापूसाहेब भाकरे यांनी विद्यार्थ्यांच्या ज्ञानात भर पडून ते सक्षम व्हावेत या उद्देशाने विविध क्षेत्रातील प्रभावी मान्यवरांना मार्गदर्शन करण्यासठी बोलावले जाते असे सांगितले.  याप्रसंगी प्राचार्यांनी प्रमुख मार्गदर्शक डॉ. एन. जी. पाटील  यांची ओळख उपस्थित विद्यार्थी आणि महाविद्यालयाच्या कर्मचार्यांना करुन दिली. याप्रसंगी बोलतना प्राचार्यांनी डॉ. एन. जी. पाटील  यांचा शालेय जीवनापासून भारतीय कृषीअनुसंधान परिषद मार्फत कृषी शास्त्रज्ञ होण्यापर्यंतचा प्रेरणादायी प्रवास उपस्थिताना सांगितला.तसेच डॉ. एन. जी. पाटील  संचालक,एन. बी. एस. एस. नागपूर या पदावर कार्यरत असताना केलेल्या राज्य आणि देश पातळीवरील विशेष योगदानाचे वर्णन केले.

यांनतर प्रमुख मार्गदर्शक डॉ. एन. जी. पाटील यांनी बोलताना प्रथम भारतीय कृषी अनुसंधान परिषद, संचालित एन. बी. एस. एस. नागपूर या संस्थेच्या रचनेची आणि  संस्थेच्या  देशपातळीवरील कामाची माहिती दिली. सदर संस्थेचे देशभरातील विविध भागातील विभागीय केंद्राद्वारे मातीचे सर्वेक्षण करुन त्या आधारे शेती आणि त्यासोबतच विविध विकासात्मक संस्थाना उपयोगी असे मार्गदर्शन करत असल्याचे सांगितले. तसेच सद्य बदलते आधुनिक तंत्रज्ञान अवगत करत सध्या सदर संस्था कृत्रिम बुद्धिमत्ता (Artificial Intelligence) चा वापर प्रभावीपणे करत असल्याचे नमूद केले. याप्रसंगी डॉ. एन. जी. पाटील यांनी विद्यार्थ्यांना कृत्रिम बुद्धिमत्ता विविध आयामांचे कोशल्य अवगत करुन भविष्यात करियर करण्यासाठी सज्ज होण्याचे आवाहन केले.

सदर मार्गदर्शनपर व्याख्यांनानंतर विद्यार्थ्यांनी अत्यंत सोप्या भाषेत कृत्रिम बुद्धिमतेचा शेती आणि शेतकरी विकासात वापर याची माहितीमुळे आत्मविश्वास वाढल्याचा प्रतिसाद दिला. सदर कार्यक्रमाचे सूत्रसंचालन प्राध्यापक नयन गोसावी आणि आभार प्रदर्शन प्राध्यापक सुधीर शिंदे यांनी केले.

              महान समाज सुधारक राजश्री छत्रपति शाहू महाराज यांची जयंती दि.२६ जून२०२५ रोजी    म. वि.प्र. कर्मयोगी दुलाजी सिताराम कृषि महाविद्यालयामध्ये साजरी करण्यात आली. महाराष्ट्राला तीन प्रमुख समाजसुधारकांचा वैचारिक वारसा लाभला असल्यामुळे या राज्यास “फुले-शाहू-आंबेडकरांचा महाराष्ट्र” असे म्हणतात.  लोकशाहीवादी, समाजसुधारक आणि सक्षम राज्यकर्ते असे राजश्री छत्रपति शाहूमहाराज यांनी त्यांच्या राजवटीत अनेक पुरोगामी धोरणे यशस्वीपणे राबवली. संपूर्ण जीवनभर सामान्य जनतेला न्याय मिळवून देण्यासाठी व बहुजन समाजाच्या सामाजिक उन्नतीसाठी प्रयत्न केले आणि सामाजिक परिवर्तनाला गती प्राप्त करून दिली. महाविद्यालयाचे प्राचार्य डॉ.बापूसाहेब द. भाकरे यांच्या हस्ते प्रतिमा पूजन करण्यात आले.  कृषी महाविद्यालयातील प्राध्यापक व प्राध्यापकेतर कर्मचारी व विद्यार्थी याप्रसंगी उपस्थित होते.

मराठा विद्या प्रसारक समाज संचालित कर्मयोगी दुलाजी सीताराम  पाटील कृषी महाविद्यालयात दरवर्षी प्रमाणे १९ फेब्रुवारी रोजी मोठ्या उत्साहात “शिवजन्मोत्सव सोहळा “ साजरा करण्यात आला. शिवजयंती निमित्ताने  विद्यार्थ्यांनी विविध कार्यक्रमांचे आयोजन केले होते. 30 वादकांच्या ढोल पथकासह सकाळी ८ वाजता महाराजांच्या प्रतिमेची मिरवणूक महाविद्यालयाच्या परिसरातून काढण्यात आली. प्रभात फेरी उदाजी महाराज ऐतिहासिक संग्रहालय मार्गे नेऊन तेथे शाहू महाराजांच्या प्रतिमेला हार अर्पण करण्यात आले व सावरकर नगर मार्गे मिरवणूक महाविद्यालयात दाखल झाली. कार्यक्रमाची सुरुवात दीपप्रज्वलन, महाराजांच्या प्रतिमेचे पूजन व शिवआरतीने करण्यात आली. चतुर्थ वर्ष विद्यार्थ्यांनी छत्रपती  शिवाजी  महारांजावरील ऐतिहासिक स्मृतींना उजाळा देण्यासाठी समूहनृत्य सादर केले. कार्यक्रमाच्या अध्यक्ष स्थानी मविप्र समाज संस्थेचे सरचिटणीस मा. ॲड. नितीन ठाकरे हे होते. तर शिवव्याख्याते श्री. सोमनाथ वसंत गायखे यांचे प्रमुख वक्ते म्हणून व्याख्यान झाले. त्यांनी महारांचा जीवनपट त्यांची तत्त्वे व कार्ये यावर विद्यार्थ्यांना माहिती दिली. अध्यक्षीय भाषणात ॲड. नितीन ठाकरे यांनी महाराजांचे कृषी धोरणे व राजकीय व्यवस्था याबद्दल विद्यार्थ्यांना संबोधित केले. तसेच कार्यक्रम उत्कृष्ट नियोजनांबद्दल वैद्यार्थ्यांचे कौतुक करून सर्वांना शिवजयंतीच्या शुभेच्छा दिल्या व महाविद्यालयाच्या सप्टेंबर ते डिसेंबर वार्तापत्र चे अनावरण सर्व मान्यवरांच्या हस्ते करण्यात आले. कार्यक्रमाचे प्रास्ताविक महाविद्यालयाचे प्राचार्य डॉ.बापूसाहेब भाकरे यांनी केले व कार्यक्रम साजरा करण्यामागील उद्देश स्पष्ट केला. तसेच सर्वांना शिवजयंती बद्दल शुभेच्छा दिल्या.

प्रमुख पाहुणे म्हणून मविप्र समाज संस्थेचे उपाध्यक्ष मा.श्री.विश्वास मोरे, उपसभापती मा.श्री.देवराम मोगल, चिटणीस मा श्री. दिलीप दळवी हे उपस्थित होते. तर प्रमुख उपस्थिती मविप्र संस्थेचे संचालक (नाशिक शहर) मा.ॲड. लक्ष्मणजी लांडगे,  (नाशिक ग्रामीण) चे मा. श्री. रमेशजी पिंगळे, तालुका संचालक मा. श्री. ॲड. संदीप गुळवे, मा. श्री. विजय पगार,सेवक संचालक मा  श्री. चंद्रजीत शिंदे होते. तसेच शिक्षणाधिकारी मा. डॉ. अजित मोरे, डॉ पाटील यांनीही उपस्थिती दर्शविली. स्थानिक व्यवस्थापन समिती सदस्य कृषिभूषण श्री. तुकाराम बोराडे श्री. अशोक पगार हे हि उपस्थित होते.

कार्यक्रमाचे सूत्र संचालन विद्यार्थिनी कु. वैष्णवी देवरे व कु.साक्षी कासार यांनी केले. संपूर्ण कार्यक्रमाचे आयोजन चतुर्थ वर्षातील विद्यार्थ्यांनी केले होते. आभार प्रदर्शन सांस्कृतिक विभाग प्रमुख प्रा. पंकजसिंह बी.चौहाण यांनी केले. तर कार्यक्रमास सर्व प प्राध्यापक, प्राध्यापकेतर सेवक वृंद व सर्व वर्षातील विद्यार्थी, विद्यार्थिनी यांचा सहभाग होता.

मराठा विद्या प्रसारक समाज संचलित कर्मयोगी दुलाजी सीताराम पाटील कृषी महाविद्यालयामध्ये दि. २७ फेब्रुवारी २०२५ रोजी वृक्षवल्ली -२०२५ “उत्सव पाऊल खुनांचा” स्नेहसंमेलन कार्यक्रम व वार्षिक पारितोषिक वितरण समारंभ रावसाहेब थोरात सभागृहामध्ये उत्साहात साजरा करण्यात आला. दि. २० फेब्रुवारी २०२५ ते २६ फेब्रुवारी २०२५ दरम्यान महाविद्यालयात विविध डेज ग्रुप डे, मिसमॅच डे, ट्रॅडीशनल डे, टाय डे, सारी डे, रेट्रो डे, बॉलीवूड डे आणि क्रीडा प्रकार क्रिकेट, हॉलीबॉल, कबड्डी, खो खो, फुटबॉल, चेस व कॅरम उत्साहात साजरे करण्यात आले. त्याचसोबत विविध शैक्षणिक व मनोरंजनात्मक स्पर्धा जसे निबंध, वक्र्तृत्व, प्रश्नमंजुषा, वादविवाद सोबतच संगीत खुर्ची, लिंबू चमचा, कविता वाचन व लेखन पार पडल्या.

सांस्कृतिक महोत्सवाचे उदघाटन सकाळी ०९.३० वाजता मा. एड. लक्ष्मण  लांडगे, संचालक, मविप्र, समाज नाशिक शहर, मा.श्री.अजित मोरे, शिक्षणाधिकारी, मराठा विद्या प्रसारक समाज, नाशिक कृषी महाविद्यालयाचे प्राचार्य डॉ.बापूसाहेब  भाकरे यांच्या हस्ते झाले. सोबत सांस्कृतिक कार्यक्रमाचे परीक्षक प्रा.दिनकर दांडेकर आणि प्रा.श्रीमती शीतल कारे उपस्थित होते.

या महोत्सवासाठी मराठा विद्या प्रसारक समाज संस्थेचे सरचिटणीस , मा.ऑड.नितीन ठाकरे, ,डॉ.सुनील ढिकले ,अध्यक्ष ,मा.श्री.विश्वास मोरे, उपाध्यक्ष, मा.श्री.बाळासाहेब क्षीरसागर ,सभापती, मा.श्री.दिलीप दळवी, चिटणीस , तसेच  मविप्र च्या सर्व संचालकांनी  हार्दिक शुभेछया दिल्या.स्नेहसंमेलन कार्यक्रमात महाविद्यालयातील विद्यार्थ्यांनी विविध एकल व सांघिक  नृत्य ,एकपात्री नाटक ,काव्यवाचन, फॅशन शो ,माईम एकपात्री विनोद, अनेक गाणी सादर केले व कार्यक्रमाची शोभा वाढविली.

त्याच दिवशी वार्षिक पारितोषिक वितरण सोहळा दुपारी ४.०० वाजता रावसाहेब थोरत सभागृह मध्ये पार पडला. कार्यक्रमाचे प्रमुख पाहुणे म्हणून मा.कॅप्टन डॉ.राजेंद्र भि.सनेर-पाटील ,महाव्यवस्थापक,महाराष्ट्र मेट्रो रेल कॉर्पोरेशन लिमिटेड हे उपस्थित होते. कार्यक्रमाचे अध्यक्ष मा.श्री.देवराम मोगल ,उपसभापती ,मराठा विद्या प्रसारक समाज,नाशिक  तथा अध्यक्ष स्थानिक व्यवस्थापन समिती कृषी महाविद्यालय नाशिक हे होते. मा डॉ.सयाजीराव गायकवाड साहेब ,संचालक ,चांदवड मा.श्री.ऑड .लक्ष्मण लांडगे,संचालक नाशिक शहर ,मा.श्री.रमेश पिंगळे,संचालक ,नाशिक ग्रामीण,मा.श्री.डॉ.अजित मोरे ,शिक्षणाधिकारी,मराठा विद्या प्रसारक समाज ,नाशिक तसेच स्थानिक व्यवस्थापन समिती चे कृषिभूषण मा . श्री तुकाराम बोराडे ,मा श्री.अरुण पिंगळे ,मा.श्री.चिखले हे उपस्थित होते. कार्यक्रमादरम्यान पाहुण्यांच्या  हस्ते महाविद्यालयाचे वार्षिक नियतकालिक बहर-२०२४ तसेच वार्तापत्र -सप्टेंबर ते डिसेंबर २०२४ चे अनावरण करण्यात आले. कार्यक्रमाचे प्रमुख पाहुणे कॅप्टन डॉ.राजेंद्र भि.सनेर-पाटील यांनी विद्यार्थ्यांना संबोधित करताना आपल्या मनोगतामध्ये या प्रतिष्टीत संस्थेच्या वार्षिक स्नेहसंमेलनात उपस्थित राहण्याचा सन्मान व सौभाग्य एक कृषीपदवीधर असल्याने खूपच प्रेरणादायी असल्याचे त्यांनी सांगितले व या संस्थेच्या नावलौकिकाबाबत पूर्वीपासूनच मनात आदरभाव होता असे प्रतिपादन केले.विद्यार्थ्यांना संबोधित करताना त्यांनी पूर्वी मेडिकल,इंजिनिअरिंग, प्रशासकीय सेवा , पोलीस सेवा ,फॉरेस्ट सेवा कडे विद्यार्थ्यांचा ओढा होता.पण आता प्रगत तंत्रज्ञानामुळे त्याच्याही पुढील  संधी विद्यार्थ्यांना उपलब्ध असल्याचे त्यांनी सांगितले. नोकरी करण्यापेक्षा नोकरी देणारे व्हा असा मूलमंत्र त्यांनी विद्यार्थ्यांना दिला आणि चिकाटी,धैर्य व प्रामाणिकता या  त्रिसूत्रीच्या जोरावर कोणत्याही पदावर व कोणत्याही क्षेत्रात विद्यार्थी स्वतःचा नावलौकिक वाढवू  शकता असे त्यांनी विद्यार्थ्यंना सांगितले.

आपण या  सर्व महत्वाच्या क्षेत्राचे भविष्य आहात असे सांगून त्यांनी विद्यार्थ्यांना पुढील वाटचालीबद्दल शुभेछया दिल्या . महाविद्यालयातील चतुर्थ वर्षातील विद्यार्थिनी कु.वैष्णवी देवरे हिला उत्कृष्ट  विद्यार्थीनि  २०२४-२५ म्हणून गौरविण्यात आले. दरवर्षी दिले  जाणारे जनरल चॅम्पियनशिप ट्रॉफी चतुर्थ वर्षाला देण्यात आली.कृषी महाविद्यालयाचे प्राचार्य डॉ.बापूसाहेब डी.भाकरे यांच्या मार्गदर्शनाखाली कार्यक्रम पार पडला. पारितोषिक वितरणाचे सूत्रसंचालन महाविद्यालय विद्यार्थी परिषदेचे उपाध्यक्ष डॉ.व्ही .एन.गमे यांनी केले.कृषी महाविद्यालयाचे शिक्षक,शिक्षकेतर कर्मचारी व विद्यार्थी उपस्थित होते. विद्यार्थ्यांनी कार्यक्रमाचे सूत्रसंचालन  केले. कार्यक्रमाचे आभार प्रदर्शन प्रा.पंकजसिंह चौहाण यांनी केले. या कार्यक्रमासाठी महाविद्यालयाचे प्राध्यापक प्राध्यापिकेतर कर्मचारी व इतर सेवक वृंद तसेच महाविद्यालय विद्यार्थी परिषदेचे विद्यार्थी यांनी कार्यक्रमाच्या यशस्वितेसही प्रयत्न केले.

–