मराठा विद्याप्रसारक समाजाचे कर्मयोगी दुलाजी सीताराम पाटील कृषी महाविद्यालय, चाचडगाव, नाशिक येथील   प्रा. योगेश भगुरे व प्रा. डॉ. कुणाल सुर्यवंशी, प्रा. कविता पानसरे, प्रा. श्वेता सातपुते, प्रयोगशाळा सहाय्यक भरत मोरे यांनी  दिनांक 25/9/2025 रोजी उमराळे व आजूबाजूच्या परिसरात शिवार फेरी केली. शिवार फेरी करीत असताना श्री. निलेश केदार यांच्या प्रक्षेत्रावर भेट दिली. श्री. निलेश केदार हे उमराळे गावातील प्रगतीशील शेतकरी असून त्यांच्या शेतात उत्तम प्रतीचे विविध भाजीपाला पिके असून त्यांनी  या पिकाविषयी सर्व माहिती सांगितली व उपस्थित प्राध्यापकांनी शेतकऱ्यांना विविध विषय म्हणजेच जमिनीचे आरोग्य, किड व्यवस्थापन, रोग व्यवस्थापन, पाण्याचे नियोजन, खतांचे नियोजन व विक्री व्यवस्था या बाबत चर्चा करून मार्गदर्शन केले. त्यांच्या शेतात सध्या टोमॅटो, फुलकोबी, कोबी, शिमला मिरची, भुईमूग, झेंडू इ पिके आहेत.

मराठा विद्या प्रसारक समाज संचलित कर्मयोगी दुलाजी सिताराम पाटील कृषी महाविद्यालय, चाचडगाव ता.दिंडोरी येथे दि. 19 सप्टेंबर 2025 रोजी प्रथम वर्षातील विद्यार्थ्यांसाठी दीक्षारंभ या कार्यक्रमाची सुरुवात करण्यात आली. प्रथम वर्षातील विद्यार्थ्यांना प्रोत्साहन देण्यासाठी दीक्षारंभ कार्यक्रम दोन आठवड्यासाठी आयोजित करण्यात आलेला आहे.

सदर कार्यक्रमाप्रसंगी कार्यक्रमाचे अध्यक्ष म्हणून मा.श्री. बाळासाहेब क्षीरसागर सभापती, मविप्र समाज, नाशिक उपस्थित होते. मा.श्री.आप्पासाहेब शिंदे, प्रांताधिकारी, दिंडोरी व मा.श्री. सुमित निर्मळ, आर.एफ.ओ ,नाशिक, श्री.प्रवीण नाना जाधव, संचालक, दिंडोरी व माजी प्राचार्य श्री.संपतराव काळे,  के.टी.एच.एम. महाविद्यालय हे प्रमुख पाहुणे म्हणून उपस्थित होते  सदर कार्यक्रमास शिक्षणाधिकारी डॉ.अजित मोरे व डॉ.डी.डी.जाधव, डॉ.बापूसाहेब भाकरे, प्राचार्य, कृषी महाविद्यालय उपस्थिती होते.

दिक्षारंभ कार्यक्रमांतर्गत विद्यार्थ्यांसाठी विविध व्याख्यान, प्रक्षेत्र भेटी, शैक्षणिक भेटी, माजी विद्यार्थ्यांचे व्याख्यान तसेच प्रगतीशील शेतकऱ्यांच्या प्रक्षेत्रावर जाऊन प्रत्यक्ष शेतीशी निगडित असलेले अनुभव देण्यात येणार आहे. सदर कार्यक्रमादरम्यान विद्यार्थ्यांना शेतीशी निगडित नाविन्यपूर्ण अनुभव मिळतील.

कार्यक्रमाचे प्रास्ताविक व स्वागत कृषी महाविद्यालयाचे प्राचार्य डॉ. बापूसाहेब भाकरे यांनी केले. दीक्षारंभ कार्यक्रमाअंतर्गत पुढील  दोन आठवड्याचा कार्यक्रम त्यांनी विद्यार्थ्यांना समजावून सांगितला. मा.श्री. बाळासाहेब क्षीरसागर यांनी आपल्या अध्यक्षीय भाषणात विदयार्थ्यांना कृषी शिक्षणाचे महत्व सांगून पुढील वाटचालीबद्दल शुभेछया दिल्या. मा.श्री.आप्पासाहेब शिंदे प्रांताधिकारी, दिंडोरी यांनी कृषी शिक्षण घेत असताना विद्यार्थ्यांनी विविध  स्पर्धात्मक परीक्षा तसेच त्यासाठी करावयाची तयारी याबद्दल मार्गदर्शन केले. मा.श्री. सुमित निर्मळ, वनक्षेत्र अधिकारी, नाशिक यांनी विद्यार्थ्यांना सांगितले  कि आतापासूनच  आपले ध्येय निच्चीत करून प्रयत्न केले तर यश मिळणे अतिशय सोपे असते. तसेच विद्यार्थ्यांना स्पर्धात्मक परीक्षेबद्दल मार्गदर्शन केले. डॉ. अजित मोरे यांनी कृषी महाविद्यालयातर्फे विद्यार्थ्यांना देण्यात येणाऱ्या सर्व सुविधेबद्दल माहिती देत याचा वापर करून प्रत्येक विद्यार्थ्याने पुढील आयुष्यात यशस्वी होण्याबद्दल शुभेछया दिल्या. श्री.प्रवीण नाना जाधव, संचालक, दिंडोरी यांनी विद्यार्थ्यांना जिद्द आणि चिकाटीने अभ्यास करून पुढील आयुष्यात यशस्वी होण्यासाठी शुभेछया दिल्या.

कृषी महाविद्यालय चाचडगाव येथे स्थलांतरित झाल्यानंतर हि पहिलीच तुकडी येथे हजार झालेली आहे. पहिलेच वर्ष असून सुद्धा या ठिकाणी सर्व १२० जागांसाठी विद्यार्थ्यांनी प्रवेश घेतला आहे, हे मराठा विद्या प्रसारक समाजाच्या चांगल्या शिक्षण पद्धतीचे प्रशस्ती पत्र आहे असे म्हटले तरी वावगे ठरणार नाही. प्रथम वर्षातील प्रतीक सावंत,सिद्धी गांगुर्डे आणि अदित्य गंडे तसेच द्वितीय वर्षातील आरुषी सिंग यांनी महाविद्यालयबद्दल आपले मनोगत व्यक्त केले. कार्यक्रमाचे सूत्रसंचालन प्राध्यापिका नयन गोसावी तसेच आभार प्रदर्शन प्राध्यापक विशाल गमे यांनी केले.

कर्मयोगी दुलाजी सीताराम पाटील कृषी महाविद्यालयातील दुसऱ्या वर्षाच्या (EDNT242) ह्या विषयाच्या विद्यार्थ्यांची शैक्षणिक सहल दि 16/08/2025 ते दि 24/08/2025 आयोजित करण्यात आली होती. या सहलीस एकून 77 विद्यार्थी व 5 स्टाफ उपस्थित होते.

या सहलीदरम्यान कोईमतूर ते बेंगलोर या शैक्षणिक व धार्मिक ठिकाणी भेटी दिल्या. त्या मधे १. कोइंबतूर  २.ऊटी ३.म्हैसुर आणि ४.बेंगलोर आशा वेगवेगळ्या ठिकाणी भेट देण्यात आल्या.

ICAR चे sugarcane breeding institute कोइंबतूर येथे दि. 18/08/2025 रोजी आयोजित करण्यात आलेली होती. सदर भेटीदरम्यान विद्यार्थ्यांना ICAR  Sugarcane breeding institute येथे  नवनवीन ऊसाच्या जाती बद्दल माहिती दिली आणि सेमिनार घेऊन मार्गदर्शन केले. विद्यार्थ्यांना भेटीदरम्यान एग्रीकल्चर रिसर्च स्टेशन बद्दल संपूर्ण माहिती देऊन त्यांच्या शंकांचे निरसन करण्यात आले.त्या नंतर दि. 19/08/2025 रोजी ऊटी येथील Soil and Water conservation, botanical garden, tea factory and tea museum  इत्यादी बद्दल संपूर्ण माहिती देऊन त्यांच्या शंकांचे निरसन करण्यात आले. व (Central food technology research institute, mysore) सेंट्रल फूड टेक्नॉलॉजी रीसर्च इन्स्टिट्यूट म्हेसुर येथे दि 21/08/2025 रोजी आयोजित करण्यात आलेली होती.  त्याचप्रमाणे म्हैसूर पॅलेस, वृंदावन गार्डन, म्हैसूर  झु या ठीकाणी भेट दिली. दि. 22/8/2025 रोजी बंगलोर येथील Indian Institute of Horticulture research, National bureau of soil survey and land use planning , University of agriculture sciences Bengaluru  या ठिकाणी भेट दिली. सदर भेटीदरम्यान विद्यार्थ्यांना इंडीयन इन्स्टिट्यूट horticulutrue या ठिकाणी सेमिनार घेऊन विद्यार्थ्यांना फळें, फ़ुले, भाजीपाला यांच्या  नविन विकसित केलेल्या वाणाची माहिती दिली त्याचप्रमाणे  प्रक्षेत्रावर जाऊन विद्यार्थ्यांना माहीती सांगितली. NBSS LUP या ठिकाणी सेमिनार घेऊन मार्गदर्शन केले. विद्यार्थ्यांना भेटीदरम्यान रिसर्च स्टेशन बद्दल संपूर्ण माहिती देऊन त्यांच्या शंकांचे निरसन करण्यात आले. विद्यार्थ्यांसोबत 3 सहाय्यक प्राध्यापक- प्रा. यु. बी. पलघडमल , डॉ. के. के. सुरवंशी, प्रा. वाय. यल .भगूरे व प्रयोगशाळा सहाय्यक श्री.भरत मोरे व श्रीमती.सारिखा  कापडणीस उपस्थित होते.

सदर शैक्षणिक सहल ही नियोजित वेळेत पूर्ण करून विद्यार्थ्याची गैरसोय न होता पूर्ण झाली.

महात्मा फुले कृषी विद्यापीठ संलग्न  मराठा विद्या प्रसारक समाजाचे कर्मयोगी दुलाची सिताराम पाटील कृषी महाविद्यालय चाचडगाव नाशिक येथे “शाश्वत शेती दिना” च्या औचित्याने महाविद्यालयांमध्ये कार्यक्रमाचे आयोजन करण्यात आले होते. कर्मयोगी दुलाजी सिताराम पाटील कृषी महाविद्यालय हे नेहमीच विद्यार्थ्यांमध्ये शेती क्षेत्रातील बदलत्या आव्हाना बद्दल जागरूकता निर्माण करण्यासाठी प्रयत्नशील असते. याच अनुषंगाने महाविद्यालयाचे प्राचार्य डॉ. बापूसाहेब भाकरे यांच्या संकल्पनेतून शाश्वत शेती दिन आणि त्याच सोबतच पालक विद्यार्थ्यांसाठी विशेष संवाद सत्राचे आयोजन महाविद्यालयात करण्यात आले होते. सदर कार्यक्रमाच्या अध्यक्षस्थानी म. वी. प्र. शिक्षण अधिकारी डॉ. अजित मोरे होते त्यासोबतच स्थानिक व्यवस्थापन समिती सदस्य मा. श्री सनी वाणी व इतर मान्यवर याप्रसंगी उपस्थित होते.